«Бизнестің әлеуметтік жауапкершілігі жөніндегі «Парыз» конкурсы туралы» 2008 жылғы 23 қаңтардағы №523 Қазақстан Республикасының Президенті Жарлығының жобасына сәйкес, бизнестің әлеуметтік жауапкершілігі жөніндегі «Парыз» конкурсы халықтың әл-ауқатын одан әрі жақсарту үшін жеке кәсіпкерлік субъектілерінің қоғам алдындағы өздерінің корпоративтік әлеуметтік жауапкершілігін қалыптастыруға және арттыруға бағытталған. Конкурс номинацияларының бірі – «Экологияға қосқан үлесі үшін» болып табылады. Бұл номинацияда қоршаған ортаның жай-күйін жақсартуға, қалдықтарды қайта өңдеу мен кәдеге жаратуға бағытталған табиғат қорғау (экологиялық) бағдарламаларын, іс-шаралар мен жобаларын іске асыруда ерекше көзге түскен үміткерлердің қызметі қаралады.

Қазақстан Республикасы Президентінің 2008 жылғы 23 қаңтардағы №523 Жарлығымен бекітілген «Парыз» бизнестің әлеуметтік жауапкершілігі жөніндегі конкурсты өткізу Ережесіне сәйкес конкурс өткізу тәртібі жүзеге асырылады.

Баяндалғанның негізінде жеке кәсіпкерлік субъектілерінен бизнестің әлеуметтік жауапкершілігі жөніндегі «Парыз» конкурсына қатысуды сұраймыз.

Қосымша ақпаратты Алматы облысы экология департаментінің 8-7282-245269 және 8-7282-24-10-72 телефондары немесе Талдықорған қаласы, Абай көшесі, 297 мекенжайы бойынша алуға болады.