GREENWORLD.KZ

Президент Қасым-Жомарт Тоқаевтың жарлығымен ауыл шаруашылығы министрі Сапархан Омаров қызметінен босатылды.
⠀
Оған себеп, осы жазда құрғақшылық пен жем-шөп бағасының өсуіне байланысты Маңғыстау облысы мен Қызылорда облысының Арал ауданында мыңнан астам малдың қырылуы.
⠀
Статистика бойынша, Маңғыстау облысында мал өлімі 0,13% — ды, Қызылорда облысында-0,03% — ды құраған. Бұл облыстардан жануарлар жайылымға неғұрлым қолайлы аймақтарға – Ақтөбе, Атырау және Солтүстік Қазақстан облыстарына тасымалдана бастады.

Айта кетейік, соңғы аптада Қызылордада түйелердің табаны түсіп, мал шығыны ұлғая түсті. Ал мұны ветеринар дәрігерлер қауіпті емес деп мәлімдеді. Дегенмен мал шаруашылығымен күнелтіп отырған шаруаларға қиынға соғуда.
⠀
Сапархан Омаров Ауыл шаруашылығы министрі лауазымына 2019 жылғы қаңтарда тағайындалған.