• 21/09/2021

Әлем — ортақ

Вакцина алмасаңыз…

Автор:Greenworld.kz

Июл 9, 2021 , ,

GREENWORLD.KZ

Cырқаттанушылық деңгейін төмендетуге бағытталған негізгі шаралардың бірі — вакцинация. Соңғы апталарда вакцинация қарқыны артып келеді, тәулік сайын Қазақстанда 100 мың адамға дейін егіледі. Бұл туралы бүгін Орталық коммуникациялар қызметінде өткен брифингте денсаулық сақтау бірінші вице-министрі Марат Шоранов мәлімдеді, — деп хабарлайды Ортком баспасөз қызметі.

— Соңғы апталарда вакцинацияның қарқыны өскенін атап өтуіміз қажет. Бүгінгі күні республика бойынша тәулік сайын орта есеппен 80-100 мың адам егіледі. Мысалы, кеше бірінші компонентпен 113 мың адам, екіншісімен — 48 мың адам егілді. Осы қарқын сақталған жағдайда, тіпті күн сайын 60-80 мың адам вакцина салдырса, біз айына шамамен 2 млн адамды еге аламыз. Вакцинация — вирустың таралуын азайтудың және бұрынғы өмір салтына оралудың жалғыз жолы екенін еске салғым келеді, — деді М.Шоранов. 


Бүгінгі таңда Қазақстанда вакцинаның 6,3 млн дозасы пайдаланылды, оның ішінде бірінші компонентпен 4 020 128 адам егілді, бұл тиісті халықтың 40,6% — ын құрайды. Екінші компонентпен 2 283 761 адам қамтылды. Егу пункттерінде вакцина дозаларының жеткілікті мөлшері бар: шамамен 776 мың доза бірінші компонент, және 1 млн 400 мың — екінші компонент. 


Денсаулық сақтау министрінің орынбасары 2 шілдеден бастап Қазақстан Республикасының Бас мемлекеттік санитариялық дәрігерінің №31 қаулысы күшіне енгенін еске салды, оған сәйкес COVID-19-ға қарсы вакцина алмаған жұмыскерлерді (соңғы 3 ай ішінде тұрақты медициналық қарсы көрсетілімдері бар және COVID-19-бен ауырып жазылған адамдарды қоспағанда) күндізгі режимде жұмысқа жіберу шектеледі. Вакцинациялаудың толық курсын алмаған адамдар ПТР-тестілеудің теріс нәтижесін 7 күнде 1 рет ұсынған жағдайда күндізгі жұмыс форматына жіберіледі.

430

Добавить комментарий

Ваш адрес email не будет опубликован. Обязательные поля помечены *