GREENWORLD.KZ

«Tesla» және «SpaceX» компанияларының негізін қалаушы Илон Маск  американдық  «NBC» арнасында «Saturday Night Live» (SNL) әзіл-сықақ  бағдарламасында қонақ ретінде сөз сөйледі. Әңгіме барысында ол өзінің ауру екенін мойындады. Бұл туралы «Bugin.kz»  платформасы хабарлайды.

«Менің бүгінгі сөзім шынымен де тарихи, себебі мен SNL-дің жүргізушісі болған «Аспергер» синдромы бар және оны мойындаған алғашқы адаммын», — деді Илон Маск өз сөзінің басында. Сондай-ақ ол кейде «біртүрлі» жазбалар шығаратынын  мойындады.

«Менің миым осылай ерекше жұмыс істейді», — деп түсіндірді Маск және ол сөздерімен ренжітуі мүмкін адамдардан кешірім сұрады. «Мен электромобильді  ойлап таптым және адамдарды ғарыш кемесімен Марсқа ұшырып жүрмін. Мен тыныш әрі қарапайым адам емес шығармын?» — деді  ол.

P.S  «Аспергер» синдромы – психикалық дамудың бұзылуы. Бірақ сөйлеу және танымдық қабілеттер сақталады. Бұл синдроммен ауыратындар көбіне ебедейсіз болып келеді.

Аяжан Қожатай,

Түркістан облысы, Төлеби ауданы, Әңгірата ауылы,

Әңгірата орта мектебінің 11-сынып оқушысы