GREENWORLD.KZ

Ұлттық аэронавтика басқармасы (NASA) Венера планетасын зерттеу үшін екі миссия жіберуді жоспарлап отыр, — деп хабарлайды ұйымның сайты.

Жөнелту 2028-2030 жылдар аралығында жүзеге асырылуы керек. «DAVINCI+» деп аталатын алғашқы миссия планета атмосферасының құрамын зерттейді.

Екінші миссия – «VERITAS» – Венераның геологиялық тарихын зерттеуге және оның даму кезеңдерін Жермен салыстыруға арналған. Әрбір миссияны жүзеге асыру үшін 500 миллион доллар қажет. Олардың әрқайсысы 2028-2030 жылдары іске қосылмақшы. Бұл зерттеулер «NASA» агенттігінің «Discovery – 2019» байқауы аясында 2020 жылдың ақпанында таңдалған төрт миссия тұжырымдамасының соңғы таңдаулары болып табылады.

— Біз планетарлық ғылыми бағдарламаны NASA-ның 30 жылдан астам уақытқа бармаған әлемін қарқынды зерттей отырып жаңартып жатырмыз. Мақсатымыз әлі де көп, — деді ғылым жөніндегі қауымдастырылған әкімші Томас Цурбучен.

Бәсекелестік, өзара сараптама процесінің қорытындысы бойынша екі миссия олардың ықтимал ғылыми құндылығына және даму жоспарларының орындылығына байланысты таңдалды. Жобалық топтар енді өз талаптарын, жобаларын және даму жоспарларын пысықтау үшін жұмыс істейді.