GREENWORLD.KZ

«Асыл Мұра: Біз біргеміз» жалпыұлттық жобасының аясында грант иегері атанған Қорқыт Ата атындағы Қызылорда университетінің студенті Ұлан Асановтың жобасы бойынша Сырдария ауданында орналасқан «Қалжан Ахун мешіт-медресесіне» тазалық жұмыстары мен кішігірім жөндеу жұмыстары жасалды.

Тарихы терең, түрлі зұлмат заманда әр қилы жағдайға куә болып, бірнеше қызмет атқарған XIX ғасырдың сәулет ескерткіші қазіргі таңда мемлекеттің назарын қажет етеді.

Бабамыздың маңдай тері тамып, қаншама күш-білекті қажет етіп, кезінде қазақтың жастарына білім берген мешіт-медресені жандандырып, туристік потенциалын арттыру — «Асыл Мұра: Біз біргеміз» жобасының басты мақсаты.

Ұлан АСАНОВ,

Қорқыт ата атындағы Қызылорда университетінің студенті